VIAXE VERMELLO TRAS O BALÓN

Domingo 21 de setembro de 2014. 19 horas. Cos restos mortais de CD Ourense aínda no noso corazón afrontabamos a primeira viaxe de liga tras o noso recén creado equipo, fillo vermello, herdeiro natural do noso Ourense.
Apenas 19 kilómetros dende o Couto, vinte minutos de coche. Un paseo ilusionante co luto aínda na camisola. En fronte o filial do Peroxa. Estadio O Marco. E ben goles que marcamos ese día, 0-7, abriu o marcador Almeida. Logo viñeron máis: Fran Álvarez, Adolfo por partida dobre, Chechu, Julio Salgado, Toni. Equipo con nova pel, xogadores que xa deran grandes alegrías anos antes.
Por diante víñanos unha década de moitos quilómetros, sempre distancias relativamente curtas, primeiro pola provincia de Ourense, despois tocou dirixirse cara o mar, visitabamos a provincia pontevedresa. E por fin tocaba cruzar Galicia, xa fora cara Viveiro ou A Coruña. Había que empezar a encher o depósito.
Fíxose longa a espera. ¡Que ganas tiñamos de visitar terras españolas! E por fin con once anos máis nos nosos dnis, dende aquela tarde no Marco, tocou marchar a Burgos, ir a conquista das terras do Cid. Foi este 14 de setembro de 2025. Cidade Deportiva Castañares. De novo un filial. Case cincocentos quilómetros. Máis de catro horas de viaxe. Un empate con gol de Jaichenco. Pero como nos prestou.
Pouco máis de dous anos despois daquel partido contra o filial da Peroxa tocounos xogar contra o seu primeiro equipo. Foi en abril de 2017. Así porque non pensar que alá para o inverno ou a primavera de 2028 visitemos o Plantío para xogar nesa ocasión contra o primeiro equipo do Burgos. Boa viaxe polas novas terras que nos toca visitar.